सबके मन हरसय…

रायपुर। मोखला निवासी जनता से रिश्ता के पाठक रोशन साहू ने एक कविता ई-मेल किया है.

अन धन अउ सनमान बर,अब कोनो झन तरसय।
जग होय धनवंता दाता,तोर दया मया नित बरसय ।।
पर के दुख मा हिस्सेदारी,आन सुख मा मन  हरसय।
नवा बछर नवा साल मा ,सबो हाल मा मन हरसय।।

इरखा दोस झन ब्यापे मन ,मया पिरित हा सरसय।
धरम करम मरजाद के रद्दा ले, कोन्हो झन बहकय।।
सगरो अगास मिलय चिरई चिरगुन कस मन चहकय।
नवा बछर नवा साल मा , सबो हाल मा मन हरसय।।

जर ले नास हो जावय कोरोना,अउ लहर झन बरपय।
माथ के लाली दम दम दमकय, आंखी झन छलकय।।
दसों दिसा सीतलंग छइंहा,अंगरा आगी झन दहकय।
नवा बछर नवा साल मा ,सबो हाल मा मन हरसय।।